ភ្នំពេញ៖ ក្រសួងធនធានទឹកនិងឧតុនិយម បានប្រកាសឱ្យប្រជាពលរដ្ឋដែលរស់នៅតាមតំបន់ជាប់ជួរភ្នំ ទំនាបជាប់ក្បែរផ្លូវទឹក និងភូមិសាស្ត្រជាប់ព្រំដែនថៃឱ្យមានការប្រុងប្រយ័ត្នចំពោះជំនន់ដែលអាចកើតមកពីបរិមាណទឹកភ្លៀងច្រើនហួសកម្រិត។
ក្នុងសេចក្ដីជូនដំណឹងចេញផ្សាយព្រឹកថ្ងៃទី២០ ខែកញ្ញានេះ ក្រសួងធនធានទឹកឱ្យដឹងថាស្ថានភាពបែបនេះនឹងអូសបន្លាយក្នុងពេល ១សប្ដាហ៍ទៅមុខរហូតដល់ថ្ងៃទី២៧ ខែកញ្ញា ឆ្នាំ២០២២។
ក្រសួងឱ្យដឹងបញ្ហានេះបណ្ដាលមកពី៖ «សម្ពាធខ្ពស់នៅលើប្រទេសចិន បានរុញច្រានប្រព័ន្ធសម្ពាធទាប (ITCZ) រំកិលចុះមកក្រោមអូសបន្លាយកៀកមកលើតំបន់ជួរភ្នំដងរែក និងខ្ពង់រាបភាគឦសានកម្ពុជា។ ដំណាលគ្នានោះ ខ្យល់មូលសុងនិរតីបក់ក្នុងល្បឿនពីខ្សោយទៅបង្គួរ»។
ស្ថានភាពនៃបង្កឱ្យមានកម្រិតទឹកភ្លៀងក្នុងម្រិពីមធ្យមទៅច្រើន លាយឡំទៅដោយផ្គរ រន្ទះ និងខ្យល់កន្ត្រាក់នៅទូទាំងប្រទេស ខណៈសីតុណ្ហភាពនឹងមានចន្លោះពី ២២ ដល់ ៣៤អង្សាសេ៕